Mängisch, am Obe legg ich em Bett ond mer göhnd 10000 Froge dur de Chopf.. Und plötzlich merkii, dass mer us dene Froge en rechtige Text chan schriibe.. Also nähmed euch bitte echli Ziit und lääsed de Text emol dore..


Was esch Ziit? Ond för was getts Ziit?
Jede bruucht Ziit. Ziit zom schaffe, Ziit zom Lehre, Ziit zom nodänke, Ziit zom sech emol z träffe oder eifach Ziit för sech.
Jede bruucht Ziit... Aber niemer hett Ziit..
Werom bruucht jede Ziit, wenn doch niemer Ziit hett?
Werom hett niemer Ziit, wenn doch jede Ziit bruucht?
Ich cha die Froge ned beantworte, well ich han kei Ziit.
Ich müesst öpper sueche, wo mer chan säge, was Ziit esch ond das bruucht ouä rächt vell Ziit. Ond wenni de öpper wörd fende, wo mer chönnt säge was Ziit esch, wörd de secher säge" Ich ha kei Ziit." Also nehm ich mer die Ziit gar ned, öpper z' sueche, wo mer, wenn er Ziit hätt, chönnt säge, was Ziit esch.

Lg dq